یمن کے صوبہ مآرب پر سعودی اتحاد کی بمباری 4 یمنی شہید

شیعہ نیوز : جارح سعودی اتحاد نے یمن کے صوبہ مآرب پر بمباری کی جس کے نتیجے میں 4 یمنی شہید ہو گئے۔

المیادین کی رپورٹ کے مطابق جارح سعودی جنگی طیاروں نے اتوار کو یمن کے صوبہ مارب پر بمباری کی جس کے نتیجے میں 4 یمنی شہید اور 4 زخمی ہو گئے۔ اس حملے میں ایک سڑک کے کنارے کھڑے ایک ٹرک کو نشانہ بنایا گیا۔

سعودی ی اماراتی اتحاد نے جنوبی یمن کے صوبے مآرب میں رہائشی علاقوں پر گولہ باری کی ہے

یمن کی وزارت صحت کے مطابق ، حملوں میں ایک خاتون اور ایک بچے سمیت چار عام شہری شہید اور چار دیگر شدید زخمی ہوگئے۔

واضح رہے کہ یمن میں سعودی اتحادی افواج کو بدترین شکست کا سامنا ہے۔ ماہرین کا کہنا ہے کہ سعودی اتحادی افواج عام شہریوں کو جان بوجھ کرنشانہ بناتے ہیں تاکہ عوام یمن فوج کے خلاف میدان میں آئیں۔

سعودی اتحاد کو اسرائیل امریکہ اور بعض خلیجی ممالک کی حمایت حاصل ہونے کے باوجود بری طرح ناکام ہیں۔

یمن پر سعودی عرب اور اس کے اتحادیوں کے حملوں میں اب تک قریب سترہ ہزار یمنی شہید، دسیوں ہزار زخمی اور لاکھوں بے گھر اور دربدر ہو چکے ہیں۔