اسلامی تحریکیںمشرق وسطی

یمن میں منصفانہ امن اور صلح کے قیام کے لیے آمادگی

شیعہ نیوز (پاکستانی شیعہ خبر رساں ادارہ) یمن کی عوامی تحریک انصاراللہ کے سربراہ نے ایک بار پھر ملک میں منصفانہ امن اور صلح کے قیام کے لیے اپنی آمادگی کا اعلان کیا ہے۔

یمن کےامور میں اقوام متحدہ کے خصوصی نمائندے مارٹن گریفتھس سے بات چیت کرتے ہوئے انصاراللہ کے سربراہ عبدالملک الحوثی کا کہنا تھا کہ ان کی تنظیم ملک میں منصفانہ امن کے قیام کے لیے ہروقت تیار ہے۔

انہوں نے یمن کی مستعفی حکومت کی جانب سے اسٹاک ہوم امن معاہدے کی خلاف ورزی کی شدید الفاظ میں مذمت کرتے ہوئے کہا کہ سعودی اتحاد کے ظالمانہ اور انسانیت سوز اقدامات نے امن کی راہوں کو مسدود کر رکھا ہے۔

انصار اللہ کے سربراہ نے جارح ممالک اور ان کے پالتو ایجنٹوں کو یمن میں بدامنی اور بحران کا اصل ذمہ دار قرار دیتے ہوئے کہا کہ صنعا کے بین الاقوامی ہوائی اڈے کی مسلسل بندش نے عام شہریوں کے لیے اقتصادی اور انسانی صورتحال کو دشوار بنادیا ہے۔

واضح رہے کہ اقوام متحدہ کے خصوصی نمائندے برائے یمن مارٹن گریفتھس الحدیدہ میں جنگ بندی کے نئے معاہدے کے بارے میں تبادلہ خیال کے لیے منگل کی شام یمن کے دارالحکومت صنعا پہنچے ہیں۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button