یمنی پارلیمنٹ کی امریکہ کے بھیمانہ اقدام کی مذمت

شیعہ نیوز (پاکستانی شیعہ خبر رساں ادارہ) یمن کی پارلیمنٹ نے شہید جنرل قاسم سلیمانی اور شہید ابومہدی المہندس کو قتل کرنے کے امریکہ کے مجرمانہ اقدام کی مذمت کی ہے۔

المسیرہ ٹی وی کی رپورٹ کے مطابق یمن کی پارلیمنٹ نے ایک بیان جاری کر کے اس مجرمانہ اقدام کو اقوام متحدہ کے رکن اور اقتداراعلی کے حامل ایک ملک کے خلاف ریاستی دہشت گردی قرار دیا۔

درایں اثنا یمن کے وزیر خارجہ ہشام شرف عبداللہ نے ایران کے وزیرخارجہ محمد جواد ظریف کے نام ایک پیغام میں جنرل قاسم سلیمانی کو شہید کرنے کے امریکہ کے مجرمانہ اقدام کی مذمت کی اور کہا کہ امریکہ کا یہ اقدام بین الاقوامی قوانین کی خلاف ورزی اور ایک ملک کے داخلی امور میں کھلی مداخلت ہے۔

یمن کے وزیرخارجہ نے عراق کے وزیر خارجہ محمد علی الحکیم کے نام بھی اپنے ایک پیغام میں امریکہ کے دہشت گردانہ حملے میں ابومہدی المہندس کی شہادت کی تعزیت پیش کی۔

یمن کی اعلی سیاسی کونسل کے مشیر عبد الہ حجر نے تاکید کی کہ استقامت کے کمانڈروں کو قتل کرنے کے امریکہ کے دہشت گردانہ اقدام کا جواب صرف ایران تک محدود نہیں رہے گا۔

اس یمنی عہدیدار نے کہا کہ ڈونالڈ ٹرمپ، اس جرم کے ذریعے صدارتی انتخابات میں کامیابی حاصل کرنا چاہتے ہیں تاہم اس وقت وہ استقامت کے کمانڈروں کے قتل کی انتقامی کارروائی سے خوف زدہ ہیں۔