یمن پر سعودی عرب کی بربریت 5 لوگ شہید
شیعہ نیوز (پاکستانی شیعہ خبر رساں ادارہ) جارج سعودی اتحاد کے یمن پر حملے جاری ہیں۔ اس اتحاد کے یمن پر تازہ حملوں میں 5 لوگ شہید اور متعدد زخمی ہوئے۔
المسیرہ کے مطابق، سعودی فائٹر جٹ نے شمالی یمن میں صوبے صعدہ کے ’احبہ‘ شہر کے ’علفاء‘ علاقے میں رہائشی مکانات پر بمباری کی جس میں 2 لوگ شہید اور ایک زخمی ہوگیا۔
سعودی عرب کے جنگی طیاروں نے اسی طرح صوبے صعدہ کے ’کتاف‘ شہر پر بھی حملہ کیا۔
دوسری طرف سعودی نیشنل گارڈ فورس نے یمن کے سرحدی شہر ’منبہ‘ کے ’الرقو‘ علاقے پر توپخانہ سے حملہ کیا جس میں ایک شہری شہید ہوا۔ اس رپورٹ کے مطابق، سعودی اتحاد کے کرایے کو فوجیوں نے صوبہ الحدیدہ کے ’التحیتا‘ شہر کے ’الجبلیہ‘ علاقے پر توپخانہ سے حملہ کیا جس میں ایک عام آدمی کے زخمی ہونے کی اطلاعات ہیں۔
اسی طرح یمن کے صوبے تعز کے ’صالہ‘ شہر میں ایک خاتون سعودی اسنائپروں کی گولی کا نشانہ بن کر شہید ہو گئی جبکہ ایک مرد زخمی بھی ہوا ہے۔
اسکے علاوہ سعودی عرب کے جنگی طیاروں نے صوبے مارب کے صرواح اور العبدیہ پر 16 بار، ماہلیہ شہر پر ایک بار اور صوبے البیضاء کے ’ناطع‘ شہر پر تین بار بمباری کی۔
قابل ذکر ہے کہ سعودی اتحاد یمن پر مارچ سنہ 2015 سے حملے کر رہا ہے، جس میں 20 ہزار سے زیادہ یمنی شہری شہید، دسیوں ہزار زخمی اور دسیوں لاکھ بے گھر ہوئے ہیں۔
