حیفا بندرگاہ کے محاصرے کے لیے نئے منصوبے کا آغاز، یمنی افواج کا اعلان

شیعہ نیوز: یمن کی مسلح افواج نے اعلان کیا کہ حیفا بندرگاہ کے محاصرے کا منصوبہ مکمل اور اس پر عملدرامد شروع ہوگیا ہے۔

یمن کی فوج کے باضابطہ بیان میں آیا ہے کہ غزہ کے مظلوم عوام کو بھوکا رکھنے اور ان کا محاصرہ کرنے کی صیہونیوں کی وحشیانہ پالیسی کے جواب میں حیفا بندرگاہ کو خصوصی طور پر نشانہ بنایا جائے گا۔

یہ بھی پڑھیں : برطانیہ، فرانس اور کینیڈا کی اسرائیل کو غزہ میں جارحیت نہ روکنے کی صورت میں پابندیوں کی دھمکی

اس بیان میں درج ہے کہ صیہونیوں کی حیفا بندرگاہ اب جائز فوجی ہدف بن چکی ہے لہذا ان تمام کمپنیوں کو کہ جن کے جہاز اس بندرگاہ میں موجود ہیں خبردار کیا جاتا ہے کہ اس اعلان اور یمن کے انتباہات کو سنجیدگی سے لیں اور صیہونیوں کو ہر طرح کی خدمات فراہم کرنے سے پرہیز کریں۔

یمن کی مسلح افواج نے خبردار کیا ہے کہ فلسطین کے مظلوم عوام اور ان کی استقامت کی فوجی حمایت کی سطح اس سے زیادہ بھی بڑھائی جاسکتی ہے۔

اس بیان کے اختتام میں درج ہے کہ غزہ پر جارحیت اور اس پٹی کا محاصرہ ختم کرنے کی صورت میں، یمن کے حملوں کا سلسلہ بھی رک جائے گا۔