صوبہ مآرب میں یمنی فورسز نے امریکی طیارہ مار گرا دیا

شیعہ نیوز (پاکستانی شیعہ خبر رساں ادارہ) یمن کی فوج نے اعلان کیا ہے کہ امریکہ کا ایک جاسوس طیارہ، صوبہ مآرب میں دشمنانہ کارروائی کے دوران گر کر تباہ ہوگیا ہے۔

یمن کی مسلح افواج کے ترجمان یحیی سریع نے منگل کو اعلان کیا ہے کہ اس ملک کی فوج نے صوبہ مآرب کے الجوجہ علاقے میں امریکہ کے ایک جاسوس ڈرون طیارے کو ایک مناسب اسلحے سے مار گرایا ہے رپورٹ کے مطابق یحیی سریع نے کہا کہ اس جاسوس ڈرون طیارے کے ملبے کا ویڈیو موجود ہے اور جلد ہی منظرعام پر لایا جائے گا۔

یمن کی مسلح افواج کے ترجمان نے یاد دہانی کرائی ہے کہ اسکن ایگل ماڈل کا یہ پانچواں ڈرون طیارہ ہے جسے یمن کے فضائی دفاعی سسٹم ، رواں عیسوی سال کے دوران مار گرانے میں کامیاب رہا ہے۔

یمن کی فوج نے گزشتہ مہینوں کے دوران اس ملک کے مختلف علاقوں میں دشمنانہ کارروائیاں انجام دینے والے کئی سعودی ڈرون طیارے بھی مار گرائے ہیں۔ یمن کے شہری علاقوں پر جارح سعودی اتحاد کے حملوں میں شدت آنے کے ساتھ ہی سعودی عرب کے اندر یمنی فوج اور رضاکار فورس کے دفاعی حملے بھی تیز ہوگئے ہیں۔