غزہ اور فلسطینی امنگوں کی حمایت میں یمنی عوام کا مارچ
شیعہ نیوز: یمن کے مختلف شہروں میں یمنی عوام نے ایک بار پھر سڑکوں پر صیہونی حکومت کے خلاف مظاہرے کئے۔
المیادین نے رپورٹ دی ہے کہ یمنی عوام نے غزہ اور فلسطینی عوام کی حمایت میں اپنے مارچ کا سلسلہ جاری رکھا ہے۔
اس رپورٹ کے مطابق یمنی عوام نے آج ” غزہ اور فلسطین کی حمایت نیز پر فریب اور خیانت کارانہ سمجھوتوں کی مخالفت ” کے زیر عنوان ملک گیر مظاہرے کئے جن کے شرکاء نے فلسطین کے استقامتی محاذ کی مکمل حمایت کا اعلان کیا۔
یہ بھی پڑھیں : کربلائے معلی میں بین الاقوامی ندائے الاقصی کانفرنس، دنیا کے 60 ملکوں کے نمائندوں کی شرکت
قابل ذکر ہے کہ غزہ پر غاصب صیہونی حکومت کے حملے شروع ہونے کے بعد سے ہی یمنی عوام مظلوم فلسطینی عوام کی حمایت اور ان کے ساتھ یک جہتی کے اعلان کے لئے، تسلسل کے ساتھ مظاہرے کررہے ہیں۔
یہ ایسی حالت میں ہے کہ گزشتہ دو برسوں کے دوران غزہ میں مظلوم فلسطینی عوام کے قتل عام کے جواب میں یمن کی مسلح افواج نے مقبوضہ فلسطین میں صیہونی مراکز پر اپنے میزائل اور ڈرون حملوں کا سلسلہ جاری رکھا ہے۔
یمن کی مسلح افواج نے اعلان کررکھا ہے کہ جب تک غزہ میں غاصب صیہونی حکومت کے وحشیانہ جرائم کا سلسلہ جاری ہے، صہیونی مراکز پر ان کے حملوں کا سلسلہ بھی جاری رہے گا۔
