صہیونیوں کو یمن اور فلسطین سے ممکنہ میزائل حملوں کا خوف، بلوں میں چھپنے لگے

شیعہ نیوز: غزہ کے خلاف صیہونی جارحیت کے دوبارہ شروع ہونے کے ساتھ ہی مقبوضہ علاقوں میں مزاحمتی فورسز کی جانب سے میزائل آپریشن دوبارہ شروع ہونے کے خدشات بڑھ گئے ہیں۔

رپورٹ کے مطابق، صہیونی حکومت کو غزہ کی پٹی پر جارحیت کے دوبارہ آغاز کے بعد یمن اور غزہ سے میزائل حملے دوبارہ شروع ہونے کا خدشہ ہے۔

عبرانی میڈیا نے اطلاع دی ہے کہ تل ابیب کے جنوبی اضلاع میں پناہ گاہوں کے دروازے کھول دئے گئے ہیں۔

یہ بھی پڑھیں : تل ابیب نے واشنگٹن کی حمایت سے غزہ کی نسل کشی دوبارہ شروع کردی، حماس

روزنامہ یدیعوت حرونوت نے خبر دی ہے کہ صہیونی فوج نے تل ابیب کے جنوبی شہروں کے باشندوں کو غزہ میں تنازعات کے بڑھنے کے امکان کے پیش نظر پناہ گاہوں کے قریب رہنے کا الرٹ جاری کیا ہے۔

قابض رژیم کے ٹی وی چینل 12 نے بھی مقبوضہ علاقوں کے بڑے شہروں جیسے یاونی، رشون لیزیون، رمات گان، ہرزلیہ اور رہوت میں پناہ گاہیں کھولنے کی اطلاع دی ہے۔