ٹی ٹی پی کے اہم کمانڈر سمیت 11 دہشت گرد گرفتار

شیعہ نیوز: سی ٹی ڈی کی جانب سے پنجاب کے مختلف شہروں میں انٹیلی جنس بیسڈ آپریشنز جاری ہیں۔ ان آپریشنز میں سی ٹی ڈی کی ٹیموں نے ٹی ٹی پی کے 11 دہشت گردوں کو گرفتار کر لیا ہے۔

سی ٹی ڈی کے ترجمان کے مطابق لاہور سمیت پنجاب کے دیگر شہروں میں کارروائیاں کی گئیں، افغانستان سے تربیت یافتہ ٹی ٹی پی کے اہم کمانڈر کو گرفتار کر لیا گیا۔

یہ بھی پڑھیں : حریت رہنماؤں کا کپواڑہ قتل عام کے شہداء کو شاندار خراج عقیدت

ترجمان سی ڈی ٹی کے مزید کہنا ہے کہ گرفتار ہونیوالے دہشت گردوں سے دھماکہ خیز جیکٹ، آئی ای ڈی بم، حفاظتی فیوز اور نقدی برآمد ہوئی ہے۔ گرفتار ہونے والے دہشت گردوں میں گل، شاہ دین، کاظم، نواب، اسامہ، اعجاز، ظہیر اور دیگر شامل ہیں۔

ترجمان کے مطابق یہ دہشت گرد مختلف اداروں پر حملے کی منصوبہ بندی کر رہے تھے، رواں ہفتے 790 کومبنگ آپریشنز کے دوران 80 مشتبہ افراد کو گرفتار کیا گیا، کومبنگ آپریشنز میں 33 ہزار 546 افراد سے پوچھ گچھ کی گئی۔