کرچی، گلشن معمار میں پولیس کی کاروائی،2 تکفیری دہشتگرد واصلِ جہنم

شیعہ نیوز (پاکستانی شیعہ خبر رساں ادارہ )گلشن معمار میں پولیس مقابلے کے دوران 2 تکفیری دہشتگرد واصلِ جہنم جبکہ ایک تکفیری دہشتگرکو د زخمی حالت میں گرفتار کرلیا گیا۔

سی ٹی ڈی کے انچارج راجہ عمر خطاب کے مطابق مقابلے میں 2 تکفیری دہشتگرد مارے گئے ہیں جبکہ ان کے قبضے سے بھاری اسلحہ اور بارودی مواد برآمد ہوا ہے جس کے باعث بم ڈسپوزل اسکواڈ کو رات گئے طلب کرلیا گیا ہے۔ راجہ عمر خطاب نے بتایا کہ واصلِ جہنم ہونے والے تکفیری دہشتگردوں کی شناخت ریحان اور حماد کے نام سے ہوئی ہے جبکہ ایک تکفیری دہشتگرد ابوہریرہ کو زخمی حالت میں گرفتار کرلیا گیا ہے۔جس گھر میں تکفیری دہشتگرد رہائش پذیر تھے وہاں بم بنانے کی فیکٹری تھی، جہاں سے وہ بارود اور تیار بم تکفیری دہشتگردوں کو فراہم کرتے تھے ۔راجہ عمر خطاب کا کہنا ہےکہ ان تکفیری دہشتگردوں کا تعلق ملک دشمن، اسلام دشمن کالعدم تکفیری دہشتگرد گروہ کالعدم تنظیم القاعدہ برصغیر سے ہے۔

آخری اطلاعات آنے تک رات گئے سی ٹی ڈی نے مارے جانے والے تکفیری دہشتگردوں کے دیگر ساتھیوں کی تلاش میں ملحقہ علاقوں کا سرچ آپریشن کر رہی تھی۔گلشن معمار احسن آباد میں سی ٹی ڈی پولیس سے مقابلے میں مارے جانے والا تکفیری دہشت گرد ریحان کالعدم القاعدہ برصغیرکراچی کا امیر تھا جبکہ جس مکان میں وہ رہائش پذیر تھا وہاں سے اور اس سے ملحقہ عمارت سے بارود سے بھری ہوئی ایک موٹر سائیکل برآمد ہوئی ہے جبکہ دستی بم بھی برآمد ہوئے ہیں۔ راجہ عمر خطاب نے بتایا کہ تکفیری دہشتگرد بم بنانے کی فیکٹری میں بال بم اور خودکش جیکٹ تیار کرتے تھے۔