خیبر پختونخواہ سے پنجاب اسلحہ اسمگل کرنے کی کوشش ناکام، 2 تکفیری دہشتگرد گرفتار

شیعہ نیوز ( پاکستانی شیعہ خبر رساں ادارہ ) پولیس نے انڈس ہائی وے پر اسنیپ چیکنگ کے دوران ایک گاڑی سے بھاری تعداد میں اسلحہ برآمد کرکے 2 تکفیری دہشتگردوںکو گرفتار کرلیا ہے۔

زرائع کے مطابق کوہاٹ کے قریب انڈس ہائی وے پر مسلم چیک پوسٹ پر تھانہ پہاڑی پورہ پولیس نےاسنیپ چیکنگ کے دوران پشاور سے پنجاب جانے والی ایک گاڑی کو روک کر تلاشی لی تو گاڑی کے خفیہ خانوں سے بھاری تعداد میں اسلحہ برآمد ہوا، پولیس نے گاڑی میں سوار دونوں تکفیری دہشتگردوں کو گرفتار کرکے تفتیش شروع کردی۔کوہاٹ پولیس کا کہنا ہے کہ گاڑی سے برآمد ہونے والے اسلحے میں 20 پستول ، 2 کلاشنکوف اور مختلف بور کے 30 ہزار سے زائد کارتوس بھی شامل ہیں ۔ یہ تمام اسلحہ پنجاب اسمگل کیا جارہا تھا۔ گرفتار تکفیری دہشتگردوں کو حراست میں لے کر تفتیش شروع کردی گئی ہے۔