ڈیرہ اسماعیل خان: سانحہ عاشورہ (بم دھماکا)میں ملوث2پولیس اہلکاروں سمیت4مرکزی دہشتگرد گرفتار
شیعیت نیوز کے نمائندے کے مطابق خیبر پختونخواہ پولیس نے پشاور میں کاروائی کرتے ہوئے ڈیرہ اسماعیل خان کے جلوس عاشورہ میں بم دھماکے میں ملوث 4مرکزی دہشتگرد وں کو گرفتار کر لیا ہے ۔گرفتار شدہ دہشتگردوں میں 2پولیس اہلکار بھی شامل ہیں ۔ ان گرفتار دہشتگردوں کا تعلق سعودی نواز کالعدم لشکر جھنگوی سے بتایا جا رہا ہے ۔
تفصیلات کے مطابق9 اور10 محرم الحرام کو ڈیرہ اسماعیل خان میں کمشنری بازار میں مرکزی جلوسِ عاشورہ کو بم دھماکے کے ذریعے دہشتگردی کا نشانہ بنایا گیا تھا ۔9 اور10 محرم الحرام کے جلوس عزاء میں حملوں کے نتیجے میں 15عزادار شہید اور 100سے ذائد شدید زخمی ہوئے تھے۔
واضح رہے کہ اس قبل بھی کوئٹہ سمیت پاکستان کے دیگر شہروں میں شیعہ مسلمانوں پر ہونے والے دہشت گرد حملوں میں پولیس اور قانون نافذ کر نے والے اداروں کے اہلکاروں کے ملوث ہونے کے واضح ثبوت موجودہیں ۔لیکن وفاقی حکومت ،اعلیٰ عدلیہ اور خفیہ ایجنسیاں وردی کے پیچھے چھپے ان سفاک درندوں کو نشان عبرت بنانے سے پتہ نہیں کیوں قاصر ہیں ۔
