بحرینی عوام کی کامیابی کے لئے پاکستان بھر میں دعائے جوشن صغیر کے اجتماعات

ملک بھر میں بحرین کے عوام سے اظہار یکجہتی اور غاصب سلفی افواج کے مقابل استقامت اور نصرت و کامرانی کے لئے دعائے جوشن صغیر کے اجتماعات منعقد کئے گئے۔شیعت نیوز کے نمائندوںکی رپورٹ کے مطابق پاکستان کے تمام چھوٹے بڑے شہروں بشمول اسلام آباد،پشاور،لاہور،کراچی،حیدر آباد،فیصل آباد،سرگودھا،ملتان،رحیم یار خان،کوئٹہ ،لاڑکانہ،سکھر سمیت دیگر مقامات پر شیعہ تنظیموں اور ماتمی انجمنوںکے زیر اہتمام بحرین کے عوامکی انقلابی جد وجہد کی حمایت   اور ان کی کامیابی کے حق میں دعائی اجتماعات منعقد ہوئے جس میں دعائے جوشن صغیرکے اجتماعی پروگرام منعقد کئے گئے،دعائیہ اجتماعات میں ہزاروں مومنین نے شرکت کی اور دعائے جوشن صغیر کی تلاوت کی ۔

واضح رہے کہ علمائے کرام کی اپیل پر ملک بھر میں مساجد اور امام بارگاہوں کے علاوہ گھروں میںبھی دعائے جوشن صغیر کے اجتماعی پروگرام منعقد کئے گئے ہیں جن میں بحرینی عوام کی استقامت اور فتح و کامرانی کے لئے خصوصی دعائیں کی گئیں ہیں۔

یہ بات قابل ذکر ہے کہ پاکستان بھر میں اجتماعی دعائے جوشن صغیرکا سلسلہ جاری ہے اور آجبھی ملک بھر کے بیشتر مقامات پر دعائیہ اجتماعات منعقد ہونے کی اطلاعات موصول ہوئی ہیں۔