بحرینی عوام سے یکجہتی کے لئے آئی ایس او کی ریلی

امامیہ اسٹوڈنٹس ارگنائزیشن  کے ارکان نے بڑی تعداد ميں اسلام آباد میں ایک ریلی نکال کر بحرینی عوام سے اپنی یکجہتی کا اعلان کیا ۔ریلی کے شرکاء نے بحرین کے نہتے عوام کی حمایت کا اعلان کرتے ہوئے بحرینی وزیر خارجہ شیخ خالد بن احمد خلیفہ کے دورہ پاکستان کی مذمت کی ۔ ریلی کے شرکاء نے حکومت پاکستان سے مطالبہ کیا کہ وہ بحرین کی حکومت کی حمایت کرنے کے بجائے بحرینی عوام کا دفاع کرے آئی ایس او کے ایک رہنما سید حسن کاظمی نے کہا کہ بحرین کے وزیر خارجہ نے اپنے ملک کے سیاسی بحران پر بات چیت کے لئے پاکستان کا دورہ کیا ہے تاکہ پاکستانی حکام کو بحرینی عوام کے انقلاب کو ناکام بنانے کے لئے اقدامات کرنے پر راضي کرسکی۔ ریلی کے شرکاء نے کئی گھنٹوں تک اسلام آباد کی سڑکوں کو بند رکھا اور دھمکی دی کہ اگر حکومت پاکستان نے بحرینی حکومت کی حمایت جاری رکھی تو وہ ملک گیر مظاہرے کریں گے کہا جاتا ہے کہ حکومت پاکستان نے اب تک بحرینی عوام کے قتل عام پر خاموشی اختیار کررکھی ہے پاکستان کے دفتر خارجہ نے بحرین کے حالات پر صرف اپنی تشویش کا اظہار کرنے پر ہی اکتفا کیا ہے