خدیجۃ الکبریٰ(س) فاؤنڈیشن کی جانب سے سیلاب زدہ متاثرین کے لئےمکانات کی تعمیر کا آغاز

واضح رہے کہ علاقے مین کل ٢٢٠ گھر ہیں تاہم حالیہ سیلاب اور بارشوں کے نتیجہ میں متعدد منہدم ہونے والے گھروں میں سے ٢١ گھروں کو از سر نو تعمیر کے لئے کام شروع کر دیا گیا ہے جبکہ اس محلہ کا نام ”محلہ خدیجۃ الکبریٰ (س) ”اور ہر گھر کو اسلام کی عظیم ہستی اور ام المومنین جناب حضرت خدیجۃ الکبریٰ سلام اللہ علیہا کے نام پر ”بیت الخدیجۃ الکبریٰ ” رکھ دیا گیا ہے۔

خدیجۃ الکبریٰ (س) فاؤنڈیشن کے ذمہ سار اقتدار حیدر نے بتایا ہے کہ تحصیل ٹنڈو الہ یار کے تعلقہ چمبڑکے گوٹھ سعید خان لغاری میں متعدد مکانات جو کہ سیلاب اور بارش کی تباہ کاریوں سے بالکل منہدم ہو چکے تھے،ہم نے ان مکانات کو از سر نو تعمیر کرنے کا عزم کر رکھا ہے اور اس سلسلہ میں پہلے مرحلہ میں ٢١ مکانات کو از سر نو تعمیر کرنے کا کام شروع کیاجا چکا ہے جبکہ دوسرے مرحلہ میں چمبڑ کے محلہ خدیجۃ الکبریٰ (س) سمیت اندرون سندھ کے دیگر شیعہ علاقوں میں بھی تعمیرات کا کام شروع کیا جائے گا۔ان کاکہنا تھا کہ چمبڑ میں مزید ٢٠٠ مکانات کی تعمیر کا کام بھی دوسرے مرحلہ میں شروع کیا جائے گا ۔

ان کا کہنا تھا کہ خدیجۃ الکبری(س) فاؤنڈیشن نے سندھ بھر میں سیلاب اور بارشوں سے تباہ ہو جانے والے مکانات کی تعمیر کا بیڑہ اٹھایا ہے اس حوالے سے ہم مخیر حضرات سے بھی اپیل کرتے ہیں کہ وہ اس کار خیر میں حصہ ڈالتے ہوئے ہمارے ساتھ تعاون فرمائیں ،ان کاکہنا تھا کہ اس سے قبل بھی خدیجۃ الکبریٰ (س) فاؤنڈیشن نے اندرون سندھ کے سیلاب اور بارشوں سے متاثرہ علاقوں میں چار ہزارخاندانوں کے لئے راشن تقسیم کئے تھے جبکہ کمبل اور دیگر ضروریات زندگی کی اشیاء بھی فراہم کی گئی تھیں ۔ان کاکہنا تھا کہ یہ تمام سر گرمیاں مخیر حضرات کے تعاون سے ہی انجام پائی تھیں تاہم جومخیر حضرات ہمارے ساتھ تعاون کرنا چاہتے ہیں وہ ہمارے مندرجہ ذیل اکاؤنٹ نمبر پر اپنے عطیات جمع کروا سکتے ہیں،

اکاؤنٹ کی تٖصیل: