چودہ اگست ہمارے لئے ایک عظیم دن ہے آج اللہ نے ایک نعمت برصغیر کے مسلمانوں کو عطاء کی علامہ راجہ ناصر عباس جعفری
آج یوم آزادی ہے شاید ہمیں آزادی کی نعمت کا اتنا احساس نہ ہوں جتنا انہیں احساس ہے جو غلامی کی زندگی گذار رہے تھے جو عالمی استکبار اور ہندووں کے شکنجے میں تھے جنہوں نے آزادی کی خاطر اپنا گھر بار چھوڑا قربانیاں دیں جنکے گھر لٹے جنہوں نے ناموس کی قربانیاں دیں جولوٹے پھٹے اس پاک سرزمین پر آئے جتنا انہیں آزادی کی نعمت کا احساس ہوگا شاید ہمیں نہ ہو
آزادی اللہ کی ایک بہت بڑی نعمت اور حق ہے جسے اللہ نے انسانوں کو دیا ہے کہ وہ آزادرہے
اظہار خیال اور بیان کی آزادی،عقیدے کی آزادی،لکھنے کی آزادی اس حد تک ہے کہ اس کی حدود کا تعین عدال کرتا ہے یعنی ایسی آزادی جو ظلم نہ بن جائے
چودہ اگست ہمارے لئے ایک عظیم دن ہے آج اللہ نے ایک نعمت برصغیر کے مسلمانوں کو عطاء کی اور اسلام و مسلمان کے نام پے یہ مملکت خداداد پاکستان ہمیں نصیب ہوئی
یہ مملکت اتحاد و وحدت اور ایک عظیم لیڈرشب کی وجہ سے ہم حاصل کرسکے، اگر آج بھی یہ اتحاد و وحدت باقی رہتا تو ہم بہت ترقی کرچکے ہوتے ۔
آج وطن کی ترقی کے لئے اتحاد ووحدت ،وطن دوستی کی ترویج،دینی اور قومی قدروں کی پاسداری اور شفاف جمہوری نظام کی اشد ضرورت ہے
ہماری دعا ہے کہ پاکستان اقوام عالم میں سربلند ہو اور ہر حوالے سے سب سے آگے نکلے ہماری دعا ہے کہ اس ملک میں امن ہو ترقی ہو بھائی چارگی ہو