کوئٹہ میں امام بارگاہ میں دہشت گردی کی کاروائی پولیس نے ناکام بنادی

کوئٹہ میں سریاب روڈ پر واقع کشمیر آباد امام بارگاہ میں دہشت گردی کی کاروائی پولیس نے ناکام بنادی ۔ امام بارگاہ پر تعینات پولیس فائرنگ سے حملہ آور ہلاک۔

ذرائع کا کہنا ہے کہ ایک دہشت گرد نور الحق نے کشمیر آباد پر واقع امام بارگاہ میں گھسنے کی کوشش کی اور امام بارگاہ کی چھت پر تعینات پولیس گارڈ پر فائرنگ کی تاکہ آسانی سے امام بارگاہ میں داخل ہوسکے ۔لیکن پولیس گارڈ کی کامیاب کاروائی کے سبب ملزم اپنے منصوبے میں کامیاب نہ ہو سکا اورامام بارگاہ پر حملہ کرنے والا شخص ہلاک ہوگیا۔

پولیس نے نعش قبضے میں لیکر ملزم کے قبضے سے پستول برآمد کرلیا۔