پاکستانی شیعہ خبریں

محرم الحرام کی آمد،ملک بھر میں مجالس عزا کا آغاز

 

پاکستان بھر میں محرم الحرام کی آمد کے سلسلہ میں چھوٹے بڑے شہروں میں مجالس امام حسین علیہ السلام و شہدائے کربلا و اسیران کربلا کا آغاز ہو گیا ہے۔شیعت نیوز کے نمائندوں کی رپورٹس کے مطابق ملک بھر کے تمام چھوٹے بڑے شہروں اور دیہاتوں میں مجالس سید الشہداء امام حسین علیہ السلام کا آغاز پیر کی شب سے شروع ہو گیاہے۔
محرم الحرام کی آمد کے ساتھ ہی ملک بھر میں تمام مساجد و امام بارگاہوں میں سیاہ علم لہرا دئیے گئے ہیں جو کہ اس بات کی عکاسی کر رہے ہیں  کہ شیعیان حیدر کرار علیہ السلام و عاشقان سید الشہداء امام حسین علیہ السلام شدید غم کی حالت میں ہیں اور پیغمبر اکرم صلی اللہ علیہ والہ وسلم اور جناب سیدہ فاطمۃ الزہرا سلام اللہ علیہا کو ان کے مظلوم فرزند حضرت امام حسین علیہ السلام اور شہدائے کربلا کا پرسہ دینے کے لئے تیار ہیں،رپورٹ کے مطابق مجالس سید الشہدا ء (ع)میں علمائے کرام اور ذاکرین نے خطاب کرتے ہوئے فلسفہ شہادت امام حسین علیہ السلام اور مقصد کربلا پر روشنی ڈالی ۔
مجالس سید الشہدا ء (ع)کے آغاز پر مساجد اور امام بارگاہوں کے باہر سبیلوں کا انتظام بھی کیا گیاہے جہاں معصوم بچے شہید صغیر حضرت علی اصغر علیہ السلام کی یاد اور جناب سیدہ سکینہ سلام اللہ علیہا کی پیا س کی یاد میں پانی پلا کر شہدائے کربلا کی یاد کو تازہ کر رہے ہیں،واضح رہے کہ مجالس کے آغاز سے ہی ہر آنکھ اشک بار ہے اور دل دکھ میں مبتلاہے ۔

 

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button