حکومت نے اگر زائرین کا مسئلہ حل نہ کیا تو ملک گیر احتجاج ہوگا، علامہ مقصود ڈومکی

شیعہ نیوز (کوئٹہ) کراچی، پشاور اور کوئٹہ کے دو سو زائرین پر مشتمل ایک وفد نے مجلس وحدت مسلمین بلوچستان کے صوبائی صدر علامہ مقصود علی ڈومکی سے ملاقات کی اس موقع پر زائرین نے انہیں اپنی مشکلات سے آگاہ کیا۔ اس موقع پر گفتگو کرتے ہوئے علامہ مقصود علی ڈومکی نے کہا کہ زائرین کے سلسلے میں حکومتی رویہ افسوسناک ہے۔ خوفزدہ حکومت عوام کے مسائل میں اضافہ کر رہی ہے، صوبائی حکومت کی جانب سے بارڈر پر زائرین سے این او سی طلب کرنا غیر آئینی ہے اور غیر قانونی اقدام ہے۔ حکومت نے اگر زائرین کا مسئلہ حل نہ کیا اور کوئٹہ تفتان روٹ نہ کھولا تو ملک بھر میں احتجاج کی کال دی جائے گی۔