کراچی،امامیہ اسکاؤٹ کی ٹریفک کنٹرولنگ میں ٹریفک پولیس کی معاونت

شیعہ نیوز (کراچی) امامیہ اسکاؤٹس کراچی نے اتوار کے روز شہر کی مصروف ترین شاہراہ ایم اے جناح روڈ نمائش چورنگی پر ٹریفک کنٹرولنگ میں ٹریفک پولیس کی معاونت کی۔ اس موقع پر اسسٹنٹ چیف اسکاؤٹس کراچی برادر رضا بھی موجود تھے۔اس موقع پر شہریوں کا کہنا تھا کہ افطار سے قبل شہر کی مختلف شاہراہوں پر بد ترین ٹریفک جام ہوجاتا ہے جسے بعض اوقات ٹریفک پولیس کے لئے حل کرنا مشکل ہوتا ہے۔ ایسے میں اسکاؤٹس رضا کاروں کی معاونت سے ٹریفک جام کو حل کیا جا سکتا ہے۔ انچارج سولجربازار ٹریفک زون نے امامیہ اسکاؤٹس کے اس اقدام کو سراہا اور کہا کہ نمائش چورنگی پر ٹریفک جام کا مسئلہ بہت گھمبیر ہو جاتا ہے ایسے میں آج امامیہ اسکاؤٹس کا ٹریفک پولیس کی معاونت کرنا خوش آئیند بات ہے۔