القدس فورس کے برگئیڈر سلیمانی کا فلسطینیوں کے نام خط کے متن کامکمل ترجمہ

بسم الله الرحمن الرحيم

ألا تقاتلون قوما نكثوا أيمانهم وهموا بإخراج الرسول وهم بدؤوكم أول المرة أتخشونهم والله أحق أن تخشوه إن كنتم مؤمنين۔
ترجمہ: کیا تم ایسے لوگوں سے نہیں لڑوگے جواپنی قسمیں توڑدیتے ہیں اورجنہوں نے رسول کونکالنے کاارادہ کیاتھا؟پہلی بارتم سے زیادتی میں پہل بھی انہوں نے کی تھی،کیا تم ان سے ڈرتے ہو؟اگرتم مومن ہوتواللہ اس بات کازیادہ حقدارہے کہ تم اس سے ڈرو۔

اے میرے تمام فلسطینی بھائیو! جوغزہ میں ثابت قدمی کے ساتھ مقاومت میں مصروف ہیں السلام علیکم ورحمۃ اللہ وبرکاتہ،
اے وہ تمام برادران !جو ان پاک لمحات میں ہماری امت اورانسانیت کی تاریخ رقم کررہے ہیں، جوبہادری کے سب سے بلند نشانی کامظاہرہ کررہے ہیں،اورغزہ میں ہمارے بہادر فلسطینی عوام پرظالم کی جارحیت کامقابلہ کررہے ہیں، اے وہ جو غاصب،دشمن اوران کے پیچھے قریب یادورسےکارفرما سازشوں کے چیلینجوں اوردشمنی کے ساتھ حق اورعزت کی خاطر مقابلہ کرنے والو،یادرکھو! فلسطین وہ متحرک دل ہے جو بشریت کے شریانوں میں خون فراہم کرتا ہے تاکہ ہمیشہ انسانیت بیداررہے،اورفلسطین ہی عنفوان جہان ہے،اوراس کے جوانوں،مظلوم بچوں کے خون نے توآزادئ شجرکی آبیاری کی ہے،جس نے عالمی ضمیروں کو جھنجھوڑ کر رکھ دیا اور لوگوں کو خواب غفلت سے بیدار کیا،

اس وقت فلسطین حق وباطل،ظلم و انصاف اور ظالم و مظلوم کے درمیان حد فاصل بنا ہوا ہے، یقیناً فلسطین ہی آتش فشانِ خداوندی ہے جس کالاوا پھٹے گا تو غاصب اسرائیل کو تباہ کردے گا،

سلام ہو ان تمام خواتین اور مرد پر! جنہوں نے پاک آزادئ انسانیت کو پرچم اسلام کے ساتھ مقاومت اور اپنی ثابت قدمی ذریعے بلند رکھا ہوا ہے،

خدا کی رحمت و مغفرت ہو تمام شہداء پر اور خاص طور سے شہدائے مقاومت اور فلسطین پر،

سلام ہو، قائدین مقاومت پرجنہوں نے تاریخ فلسطین میں عزت وشرف کے سنہرے حروف سے اپنے نام رقم کیا،وہ قائدین مقاومت جنہوں نے اپنے حقوق پر سمجھوتہ نہیں کیا اورنہ ہی کسی قسم کی پریشر اور سازشوں کو قبول کیا،
سلام ہو میرے حماس،جہاد اسلامی اوردیگر مقاومتی تحریک کے رہنما بھائیوں پر،

سلام ہو القسام برگئیڈر،القدس برگئیڈر اور ابوعلی مصطفیٰ،شہدائے الاقصی،الویہ ناصر صلاح الدین اوردنیا کے تمام مجاہدوں اور تحریک مقاومت پر،

فلسطین کے اس المناک مناظرنےہمارے دلوں کوخون کے آنسورلادیااورہمارے سینوں کوشدید پریشانیوں سے ڈھانپ دیا،ایسی پریشانیاں جن کے اندرغم وغصے بھری ہوئیں ہیں، ایسا غصہ جو ایک نہ دن ان مجرم صھیونیوں کے سروں پربری طرح اترے گا،
یادرکھو! جس نے تم لوگوں پرظلم کیا ان پر ہمیشہ خداکی لعنت ہو،

یارکھو! خداکی ہمیشہ لعنت ہو ہر ظالم،ظلم کی دفاع کرنے والوں،اس کی حمایت کرنے والوں،مجرم اسرائیل اورخاص طور سے تمام ظالموں کے سردار امریکا پر،

خداکی لعنت ہو،جنہوں نے تمہاری مدد کرنے سے اپنا ہاتھ روک دیا اور اس جنایت کاری و بربریت میں صھیونیت کا ساتھ دیا،
خداکی لعنت ہو، ان پر جنہوں نے تمہاری پریشانیوں اور تکلیفوں کو دیکھنے کے باوجود اپنے بزدلانہ خاموشی کامظاہرہ کرتے ہوئے تمہارے مظلوم عوام کوقتل کرنے دیا،

لہٰذا پوری دنیا یہ بات اچھی طرح جان لیں کہ’’ مقاومت کا دشمن کے سامنے ہتھیار ڈالنا ایک خواب ہے جوکبھی بھی شرمندہ تعبیر نہیں ہوگا،بلکہ یہ ایسی ستمگرانہ آرزویں ہیں جو قبروں میں ہی پوری ہوں گی،
یقیناً ہم خداعزوجل کے حضور ان شہداء سے عہدکرتے ہیں کہ ہم اپنے وعدے پر قائم ودائم ہیں اورکبھی بھی اس سے نہیں پھریں گے،اسی طرح ہم مقاومت کی مددکرنا اپنا دینی فریضہ سمجھتے ہیں اوران کی مدد اس وقت تک کرتے رہیں گے جب تک اسرائیل کے لئے پوری دنیا جہنم نہ بن جائے،

لہٰذا ظالم اوران کے پیروکار یہ اچھی طرح جان لیں،کہ ہم دفاع مقاومت اورفلسطینی عوام کی مددکرنے میں لحظہ برابر غفلت نہیں بھرتیں گے اورنہ ہی اس سے پیچھے ہٹیں گے،

ہم تمام لوگوں کویہ بات بتانا چاہتے ہیں کہ ہم شہادت کے عاشق ہیں،راہ فلسطین اورراہ قدس میں شہید ہونا ہرشریف مسلمان بلکہ آزد انسان کے لئے باعث افتخارہے، سو ہماری امت کےاس اہم تاریخی لمحات میں ہم تمام مسلمان بھائیوں سے اپیل کرتے ہیں کہ وہ اپنی بنوقوں،اسلحوں،جانوں،عزت کو فلسطین میں انسانیت اوراسلام کی خاطر دفاع رکھیں، بجائے اس کے کہ ہم ایسی جگہ جنگ کریں جس سے ہماری طاقت کمزور ہو اور دشمن خوش ہوجائے،فلسطین کی خاطر ہمارا اتحاد دشمن کو مرعوب کرے گا اور دنیا کا ہرگوشہ و کنار غاصبان فلسطین کے سامنے غیر محفوظ بن جائے گی انشاءاللہ،خدا فلسطین کے تمام مجاہدوں،بہادر و غیور اور صابر عورتوں،مردوں کو فتح و نصرت اور سربلندی کی توفیق عطا فرما،

واقتلوهم حيث ثقفتموهم وأخرجوهم من حيث أخرجوكم۔

ترجمہ: اورانہیں جہاں کہیں بھی پائو قتل کرو اورانہیں نکالو جہاں سے انہوں نے تمہں نکالا ہے۔

سپاہ اسلام

قاسم سليماني