اسلامی یونیورسٹی اسلام آباد میں اسرائیلی نمائش پاکستان و عالم اسلام سے غداری ہے، ایم ڈبلیو ایم

شیعہ نیوز (پشاور) انسانیت کے سب سے بڑے مجرم اور اسلام و مسلمانوں کے دشمن ملک اسرائیل کے ثقافتی پروگرامات کا اسلامی یونیورسٹی میں انعقاد عالم اسلام کے لئے باعث تشویش اور مظلوم فلسطینیوں کے خون پر نمک چھڑکنے کے مترادف ہے، پاکستان و عالم اسلام سے غداری ہے جس کی بھرپور مذمت کرتے ہیں۔ ان خیالات کا اظہار مجلس وحدت مسلمین صوبہ خیبر پختونخوا کے سیکرٹری جنرل علامہ سبطین حسینی نے اسلامی یونیورسٹی میں لگنے والے صہیونی اسٹال پر اپنے ردعمل میں کیا۔ ان کا کہنا تھا کہ یہ امر عالم اسلام میں پاکستان کی بدنامی و خفت کا باعث بنے گا، قبلہ اول، لاکھوں مسلمان فلسطینیوں کے خون کو بھول جانا نہایت افسوسناک ہے۔ ایسا ملک ہمارا پاسپورٹ جس میں جانے کی اجازت تک نہیں دیتا اس کی ثقافت کو ایک اسلامی یونیورسٹی میں پروان چڑھانا باعث ننگ و عار ہے۔