پی اے ٹی کے صدر رحیق عباسی کا امام بارگاہ چٹیاں ہٹیاں کا دورہ، متاثرہ خاندانوں سے اظہار تعزیت

شیعہ نیوز (پاکستانی شیعہ خبر رساں ادارہ) پاکستان عوامی تحریک کے صدر ڈاکٹر رحیق عباسی نے اپنے وفد کے ساتھ راولپنڈی کی چٹیاں ہٹیاں امام بارگاہ کا دورہ کیا اور خودکش حملے کے متاثرہ خاندانوں سے ملاقاتیں کیں اور اظہار تعزیت کی۔ عوامی تحریک کے صدر رحیق عباسی نے متاثرہ خاندانوں کو قائد تحریک ڈاکٹر طاہرالقادری کا خصوصی پیغام پہنچایا اور انہیں اپنے مکمل تعاون کی یقین دہانی کرائی، رحیق عباسی نے متاثرہ خاندانوں کو مالی امداد کی فراہمی کا بھی یقین دلایا، رحیق عباسی کا کہنا تھا کہ حکمران عوام کے جان و مال کی حفاظت کرنے میں مکمل طور پر ناکام ہوچکے ہیں، حکومت کے پاس دہشتگردی کے خاتمے کا کوئی ویژن یا منصوبہ نہیں، انہوں نے کہا کہ دہشت گردی سے نمٹنے کیلئے طاہرالقادری کے چودہ نکاتی فارمولے پر عملدرآمد کیا جائے تو اس لعنت سے جلد چھٹکارہ ممکن ہے۔