”را“ ایجنٹ کل بھوش یادیو کے کراچی میں رابطوں کا سراغ لگا لیا گیا

شیعہ نیوز (پاکستانی شیعہ خبر رساں ادارہ )قانون نافذ کرنے والے حساس اداروں کی جانب سے گرفتار ہونے والے بھارتی ایجنٹ کل بھوشن کے کراچی میں رابطوں کا سراغ لگا لیا گیا۔

زرائع کے مطابق بلوچستان سے گرفتار ہونے والے بھارتی حاضر سروس ”را“ ایجنٹ کل بھوش یادیو سے ملنے والی معلومات کی روشنی میں تحقیقاتی اداروں نے کل بھوشن کے کراچی میں رابطوں کا سراغ لگا کر ملنے والوں کی تفصیلات حاصل کرلی ہیں، اور ان کی گرفتاری کیلئے قانونی کارروائی مکمل کی جا رہی ہے۔اطلاعات کے مطابق بھارتی ایجنٹ ایک تاجر کے بھیس میں کراچی آتا تھا، اور جیولری کی تجارت کی آڑ میں مختلف لوگوں سے ملاقات کیا کرتا تھا، جن میں سے 4 افراد کا سراغ لگا لیا گیا ہے۔

تحقیقاتی اداروں کو کل بھوشن کے کراچی سمیت ملک بھر میں موجود ملک دشمن، اسلام دشمن کالعدم تکفیری دہشتگرد گروہوں سے روابط اور تعلقات کے بارے میں شواہد مل چکے ہیں، جن کی تفتیش کی جا رہی ہے۔