پاراچنار میں پُرامن حسینیوں پر ایف سی کا حملہ شیعہ دشمنی کا واضح ثبوت ہے، علامہ اقتدار نقوی

شیعہ نیوز (پاکستانی شیعہ خبر رساں ادارہ) مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی اور ملتان کے سیکرٹری جنرل علامہ قاضی نادر حسین علوی نے اپنے مشترکہ بیان میں امام حسین علیہ السلام کے یوم ولادت کے موقع پر ایم ڈبلیو ایم کے رہنمائوں کو پروگرام میں شرکت سے روکنا اور پُرامن حسینیوں پر پولیٹیکل انتظامیہ اور فرنٹیر کانسٹیبلری کی فائرنگ قابل مذمت ہے۔ ایم ڈبلیو ایم جنوبی پنجاب کے ترجمان کے مطابق پولیٹیکل انتظامیہ اور فرنٹیر کانسٹیبلری کی پرامن حسینیوں پر بلا اشتعال فائرنگ سے چار عاشقان امام حسین علیہ السلام شہید اور درجنوں گولیاں لگنے سے زخمی ہوگئے۔ ایم ڈبلیو ایم کے رہنماؤں کا کہنا تھا کہ پاراچنا رکے پُرامن شہریوں پر پولیٹیکل انتظامیہ کا تشدد حکومت کی جانب سے شیعہ دشمنی کا واضح ثبوت ہے۔ اُنہوں نے کہا کہ وفاقی حکومت فوری طور پر پاراچنار میں ہونے والے مظالم کا نوٹس لے ورنہ جمعہ کو ہونے والے ملک گیر احتجاج کا دائرہ وسیع کر دیا جائے گا۔