خیبر پختونخواہ میں بے گناہ افراد کا قتلِ عام ملک کے خلاف گھناؤنی سازش ہے، سید افتخار نقوی

شیعہ نیوز (پاکستانی شیعہ خبر رساں ادارہ )خیبرپختونخواہ کےحساس ترین شہروں ڈیرہ اسماعیل خان اور پشاور میں بے گناہ افراد کا قتل ملک و قوم کے خلاف گھناؤنی سازش ہے۔

زرائع کے مطابق ان خیالات کا اظہار مجلس وحدت مسلمین پاکستان فیصل آباد کے سابق سیکرٹری جنرل سید افتخار نقوی نے فیصل آباد میں میڈیا سے گفتگو کرتے ہوئے کیا۔انہوں نے کہا کہ دہشت گردی کی وارداتوں میں ملوث تکفیری دہشتگردوں کو فوری گرفتار کر کے کیفر کردار تک نہ پہنچایا گیا تو ہم ہر ضلع اور تحصیل کی سطح پر احتجاج کرنے پر مجبور ہو جائینگے۔

واضح رہے کہ ایم ڈبلیو ایم کے سربراہ علامہ راجہ ناصر عباس جعفری نے اسلام آباد میں گذشتہ 14 روز سے اپنے مطالبات کے حق میں بھوک ہڑتال کی ہوئی ہے، اور انکی تائید کی میں پاکستان کے تمام صوبوں اور دیگر ملکوں میں بھوک ہڑتال اور احتجاج کا سلسلہ شروع ہوچکا ہے۔