کراچی،فرقہ وارانہ ٹارگٹ کلنگ میں ملوث تکفیری دہشت گرد گرفتار
شیعہ نیوز ( پاکستانی شیعہ خبر رساں ادارہ )کراچی کے ضلع وسطی کی پولیس نے دوسال قبل نجی ٹی وی کی ڈی ایس این جی وین پر حملے اور فرقہ وارانہ ٹارگٹ کلنگ میں ملوث کالعدم تکفیری دہشتگرد گروہ کے دہشت گرد کو گرفتار کر لیا ہے۔
زرائع کے مطابق اس ایس ایس پی ضلع وسطی مقدس حیدر نے بتایا کہ فیڈرل بی انڈسٹریل ایریا میں ٹارگٹڈ کارروائی کی گئی جس کے دوران ملک دشمن، اسلام دشمن کالعدم تکفیری دہشتگرد گروہ لشکر جھنگوی کا دہشت گرد سرفراز پکڑا گیا۔ گرفتار تکفیری دہشت گرد فرقہ وارانہ قتل و غارت گری اور پولیس پر حملوں میں ملوث تھا۔ مقدس حیدر کے مطابق تکفیری دہشتگرد سرفراز نے 2 سال قبل ساتھیوں کے ساتھ مل کر نجی ٹی وی چینل کی سیٹلائٹ وین پر حملہ کرکے وین میں موجود نجی ٹی وی چینل کے 3 ملازمین کو شھیدکیا تھا۔ اطلاعات کے مطابق تکفیری دہشتگرد سرفراز کے 2 تکفیری دہشتگرد ساتھی پہلے ہی گرفتار کیے جا چکے ہیں۔ انہوں نے کہا کہ گرفتار تکفیری دہشتگرد سرفراز نے ابتدائی تفتیش حملے میں ملوث ہونے کے ساتھ ساتھ حملے کی منصوبہ بندی کا بھی اعتراف کیا ہے۔
