ملی یکجہتی کونسل بلوچستان کا اہم اجلاس ،مجلس وحدت مسلمین کے رہنما علامہ ہاشم موسوی کی شرکت
شیعہ نیوز ( پاکستانی شیعہ خبر رساں ادارہ)مرکزی صدر ملی یکجہتی کونسل پاکستان ڈاکٹرابوالخیر زبیر کی کوئٹہ آمد پر علماء و مشائخ کا ایک اہم اجلاس ایم پی اے ہاسٹل کوئٹہ میں منعقد ہوا،جس میں علامہ سید ہاشم موسوی نے خصوصی شرکت کی۔
زرائع کے مطابق اجلاس میں جمیعتِ علمائے پاکستان کے مرکزی صدر اور ملی یکجہتی کونسل کے سربراہ ڈاکٹر ابوالخیر زبیر کے علاوہ مجلس وحدت مسلمین پاکستان کے مرکزی رہنماء و مرکزی سیکریٹری آئمہ جمعہ فورم علامہ سید ہاشم موسوی نے خصوصی شرکت کی۔شرکائے اجلاس سے خطاب میں علامہ سید ہاشم موسوی نے اتحاد بین المسلمین کی ضرورت پر زور دیتے ہوئے کہا کہ جب تک تعصب کی فضا کا خاتمہ نہیں ہوتا اس وقت تک ہماری ریاستی ادارے اور سیکیورٹی فورسز ملک دشمن، اسلام دشمن تکفیری دہشتگردوں کا مقابلہ نہیں کرسکتے۔علامہ سید ہاشم موسوی نے کالعدم تکفیری دہشتگردوں کی جانب سے پورے پاکستان باالخصوص بلوچستان میں تکفیری دہشتگردوں کی جانب سے ہونے والے حملوں کی پرزور مذمت کرتے ہوئے کہا کہ سانحہ کوئٹہ نے ثابت کیا کہ شیعہ سنی کے مشترک دشمن تکفیری سوچ رکھنے والے عناصر ہیں۔
اجلاس میں مولانا عبدالقدوس ساسولی چیف آرگنائزر جمعیت علماء پاکستان ، عبدالحق ہاشمی امیر جماعت اسلامی بلوچستان، انوار الحق حقانی مجلس ختم نبوت بلوچستان، مفتی محمد قاسم امیر جماعت الدعوہ بلوچستان، اکبر زاہدی تحریک اسلامی بلوچستان، عبدالسلام امیر تنظیم اسلامی بلوچستان، عبدالرحیم رحیمی، مفتی محمد جان قادری، سید مومن شاہ جیلانی اور دیگر علماء نے بھی شرکت کی۔
