پشاور: چارسدہ روڈ پر ملک دشمن تکفیری دہشتگردوں کی فائرنگ، پولیس اہلکار جاں بحق

شیعہ نیوز ( پاکستانی شیعہ خبر رساں ادارہ ) پشاور: خیبر پختونخوا کے صوبائی دارالحکومت پشاور کے علاقے چارسدہ روڈ چیک پوسٹ کے قریب نامعلوم افراد کی فائرنگ کے نتیجے میں پولیس اہلکار جاں بحق ہوگیا۔ تفصیلات کے مطابق پولیس حکام کا کہنا ہے کہ 2 موٹر سائیکل سواروں نے صبح 6 بجے پولیس اہلکار کو گھر سے نکلتے وقت ٹارگٹ کلنگ کا نشانہ بنایا۔ امدادی ٹیموں نے جاں بحق اہلکار کی میت کو اسپتال منتقل کیا۔ پولیس حکام کا کہنا ہے کہ علاقے میں سرچ آپریشن شروع کردیا گیا اور ملزمان کی تلاش شروع کردی گئی ہے۔ یاد رہے کہ گذشتہ ماہ اسی مقام پر ڈی ایس پی ریاض الاسلام کو ٹارگٹ کلنگ کا نشانہ بنایا گیا تھا جس میں وہ جاں بحق ہوگئے۔ فائرنگ کے وقت ان کا بیٹا بھی ان کے ہمراہ تھا جو شدید زخمی ہوگیا۔