راولپنڈی، سی ٹی ڈی کی کارروائی میں تکفیری دہشتگرد بارودی مواد سمیت گرفتار

شیعہ نیوز ( پاکستانی شیعہ خبر رساں ادارہ ) سی ٹی ڈی نے راولپنڈی میں کارروائی کرتے ہوئے تحریک طالبان کے ایک دہشتگرد کو بارودی مواد سمیت گرفتار کرلیا ہے۔ کاونٹر ٹیررازم ڈیپارٹمنٹ (سی ٹی ڈی) نے انٹیلی جنس اطلاع پر راولپنڈی کے علاقے دھمیال روڈ پر چھاپہ مار کارروائی کے دوران ایک دہشتگرد کو گرفتار کر لیا ہے۔ جس کے قبضے سے بارودی مواد، ڈیٹو نیٹرز اور اسلحہ بھی برآمد ہوا ہے جبکہ ابتدائی تحقیقات کے دوران ملزم کی شناخت اختر عبداللہ جراحی کے نام سے ہوئی ہے، جس کاتعلق کالعدم تنظیم تحریک طالبان سے بتایا جا رہا ہے۔ تاہم پولیس نے زیر حراست دہشت گرد کیخلاف مقدمہ درج کرکے اسے نامعلوم مقام پر منتقل کردیا ہے۔