چہلم امام حسینؑ کا مرکزی جلوس کوٹھی قلندر شاہ سے برآمد ہوگا

شیعہ نیوز(پاکستانی خبر رساں ادارہ)امن و امان کیلئے انتظامات مکمل، وزیرآباداور احمدنگرسے بھی جلوس برآمدہونگے
گوجرانوالہ : چہلم امام حسیننؑ کے موقع پرامن و امان کیلئے انتظامات مکمل کرلئے گئے ہیں۔آج17صفر کو چہلم کا مرکزی جلوس کوٹھی قلندر شاہ سے برآمد ہوگا جوکہ سیالکوٹی دروازہ،سید نگری بازار، لکڑ والہ پل،سنیاراں والہ بازار،اردو بازار سے ہوتا ہوا رات12بجے گھنٹہ گھر پہنچ کر اختتام پذیر ہوگا۔ علاوہ ازیں علی پور چٹھہ سے شبیہ ذوالجناح کا جلوس برآمد ہوگا جوکہ ڈاکٹر حفیظ کے مکان پر ختم ہوگا۔ علی پور چٹھہ سے ذوالجناح کا دوسرا جلوس امام بارگاہ سادات سے برآمد ہوگا ۔ وزیر آباد کے علاقہ بھروکی اور احمد نگر سے بھی شبیہ ذوالجناح کے جلوس برآمد ہوں گے ۔