چہلم شہدائے کربلاؑ کا جلوس سید باقر شاہ کے گھر سے برآمد

شیعہ نیوز(پاکستانی خبر رساں ادارہ)شاہپور صدر: چہلم حضرت امام حسینؑ کا جلوس ذوالجناح سید باقر شاہ کے گھر سے برآمد ہوا ۔ جلوس مین بازار سے گزرتا ہوا دربار حضرت شاہ محمد شیرازی پہنچا جہاں نصراﷲشاہ ، اسرار شاہ ، جھگیاں سیداں ، نتھووالہ دیگر جلوس بھی اس میں شامل ہو گئے ۔ جلوس سرکلر روڈ سے گزرتا ہوا دربارحضرت شاہ شمس شیرازی پر پہنچ کر اختتام پذیر ہوا ۔ عزا داروں نے ماتم اور زنجیر زنی کی ۔ ذاکرین نے امام حسینؑ کی قربانیوں پر روشنی ڈالی اور نوحہ خوانی کی ۔ اس موقع پر سکیورٹی کے سخت اقدامات کئے گئے تھے ۔امن کمیٹی کے ممبران اور ڈی ایس پی شاہپور ملک شاہد نذیر ، ایس ایچ او ملک بوٹا بھاری پولیس نفری کیساتھ جلوس کے ہمراہ موجود رہے ۔