نانگا پربت میں غیرملکی سیاحوں کے قتل میں ملوث 3 تکفیری دہشتگرد اڈیالہ جیل منتقل
شیعہ نیوز (پاکستانی شیعہ خبر رساں ادارہ )نانگا پربت دہشت گردی کے واقعے میں غیر ملکی سیاحوں کے قتل میں ملوث 3 تکفیری دہشت گردوں کو اڈیالہ جیل منتقل کردیا گیا ہے۔
زرائع کے مطابق نانگا پربت میں غیرملکی سیاحوں کے قتل میں ملوث ملک دشمن، اسلام دشمن کالعدم تکفیری دہشتگرد گروہ کے 3 دہشت گردوں کو گلگت بلتستان سے پی آئی اے کی پرواز پی کے 606 کے ذریعے اسلام آباد پہنچایا گیا جس کے بعد تینوں تکفیری دہشت گردوں عرفان اللہ، قریب اللہ اور حبیب الرحمان کو سخت سیکیورٹی میں راولپنڈی کی اڈیالہ جیل منتقل کیا گیاہے۔
اطلاعات کے مطابق تینوں تکفیری دہشت گردوں کی اڈیالہ جیل منتقلی کے بعد گرد و نواح میں سیکیورٹی کے انتہائی سخت انتظامات کئے گئے ہیں جب کہ سفاک تکفیری دہشت گردوں کو خصوصی سیل میں رکھا گیا ہے۔
واضح رہے کہ جون 2013 میں ملک دشمن، اسلام دشمن کالعدم تکفیری دہشتگرد گروہ سپاہ صحابہ (اہلسنت و الجماعت) کے تکفیری دہشتگردوں نے نانگاپربت میں موجود غیر ملکی سیاحوں پر فائرنگ کردی تھی جس کے نتیجے میں10غیرملکی سیاح اور ایک پاکستانی گائیڈ ہلاک ہوگئے تھے۔
