کراچی، کالعدم تنظیم کے 3 دہشت گرد گرفتار، بارودی مواد برآمد

شیعہ نیوز ( پاکستانی شیعہ خبر رساں ادارہ ) کراچی کے علاقے بلدیہ میں پولیس اور حساس ادارے نے مشترکہ کارروائی کرتے ہوئے 3 دہشت گردوں کو گرفتار کرکے باوردی مواد برآمد کر لیا ہے۔ تفصیلات کے مطابق سائیٹ ایریا باوانی چالی میں پولیس اور حساس ادارے نے دہشت گردوں کی موجودگی کی اطلاع پر کارروائی کرکے کالعدم تنظیم کے تین دہشت گردوں کو گرفتار کرکے ان کے قبضے سے بارودی مواد، ڈیٹونیٹر، آوان گولے برآمد کرلیے ہیں۔ اس ضمن میں ایس ایس پی ویسٹ ناصر آفتاب نے بتایا کہ بلدیہ سے گرفتار دہشت گردوں کا تعلق کالعدم تنظیم سے ہے اور ان کے قبضے سے دو آوان گولے، ڈیٹونیٹر وائر اور بال بیرنگ برآمد کیے گئے ہیں۔ ایس ایس پی ویسٹ کے مطابق دہشت گرد کراچی میں بڑی کارروائی کی منصوبہ بندی کر رہے تھے۔