بڑی خوشخبری، 24 گھنٹے میں مزید 3شیعہ لاپتہ عزادار بازیاب
شیعہ نیوز (پاکستانی شیعہ خبر رساں ادارہ) جوائنٹ ایکشن کمیٹی فار شیعہ مِسنگ پرسنز ، شیعہ لاپتہ افراد کے اہلخانہ اور علامہ راجہ ناصرعباس جعفری کی مسلسل کوششوں کی بدولت سالوں سے لاپتہ مزید تین عزادار بازیاب ہوکر اپنے اپنے گھروں کو پہنچ گئے ہیں، بازیاب ہونے والے شیعہ جبری گمشدگان میں ذوالفقار شہانی (بھکر)، مرید عباس یزدانی (ڈیرہ غازی خان)اورڈاکٹر احسن اشفاق (بھکر)شامل ہیں ۔
تفصیلات کے مطابق گذشتہ کئی برسوں سے لاپتہ مزید 3شیعہ عزادربازیاب ہوکر خیریت سے اپنے اپنے گھروں کو پہنچ گئے ہیں، ذوالفقار شہانی (بھکر)2 سال 7 ماہ ،مرید عباس یزدانی (ڈیرہ غازی خان)3 سال 2 ماہ اور ڈاکٹر احسن اشفاق تقریباً 2 برس کی جبری گمشدگی کے بعد آج بازیاب ہوکر واپس پہنچ گئے ہیں ۔
واضح رہے کہ ملک کے مختلف شہروں سے درجنوں شیعہ جوان، علماءاور فعال قومی شخصیات کئی کئی برسوںسے جبری گمشدگیوں کا شکارہیں،جن کی بازیابی کے لئے خانوادہ اسیران ملت جعفریہ ،جوائنٹ ایکشن کمیٹی فارشیعہ مسنگ پرسنز ہر فورم پرآواز اٹھا رہے ہیں ۔
الحمد اللہ طویل جدوجہد کی بدولت اسیران ملت جعفریہ کی بازیابی کا سلسلہ شروع ہوچکاہے، آج صبح ہی معروف شیعہ قومی شخصیت انجینئر ممتازحسین رضوی کو اسلام آباد میں ان کے اہل خانہ کے حوالے کردیا گیا ہے، امید ہے کہ تمام جبری گمشدگان جلد ازجلد بازیاب ہوں گے ۔
