وزیرستان،ریموٹ کنٹرول دھماکے میں سیکیورٹی فورس اہلکار شہید

شیعہ نیوز (پاکستانی شیعہ خبر رساں ادارہ) شمالی وزیرستان کی تحصیل دتہ خیل میں سکیورٹی فورسز پر ریموٹ کنٹرول بم دھماکے کے نتیجے میں ایک اہلکار شہید جبکہ 3 زخمی ہوگئے۔

ذرائع کے مطابق شمالی وزیرستان کی تحصیل دتہ خیل،خڑکمر کے علاقے میں سکیورٹی اہلکار پیدل جا رہے تھے کہ اچانک ریموٹ کنٹرول بم کادھماکا ہوگیا،بم دھماکے کے نتیجے میں ایک اہلکار شہید جبکہ 3 زخمی ہوگئے۔

شہید اہلکار کی شناخت سپاہی جاوید کے نام سے ہوئی ہے، جبکہ زخمیوں میں سپاہی ولی، سپاہی رستم اور سپاہی بلال شامل ہیں۔

دھماکے کے بعد امدادی ٹیموں نے شہید و زخمیوں کو میرانشاہ آرمی کیمپ ہسپتال منتقل کر دیا ہے جبکہ سکیورٹی فورسز نے علاقے کو گھیرے میں لیکر سرچ آپریشن بھی شروع کر دیا ہے۔