شامی فوج کے حملے میں 300 تکفیری دہشت گرد ہلاک

شیعہ نیوز: شامی فوج نے دہشت گردوں کے خلاف آپریشن کرتے ہوئے کم از کم 300 تکفیری دہشت گردوں کو ہلاک کردیا ہے۔

شامی نیوز ایجنسی نے کہا ہے کہ صوبہ حماہ کے شمالی حصے میں شامی فوج تکفیری دہشت گردوں کے خلاف بھرپور آپریشن کررہی ہے۔

ذرائع کے مطابق شامی فوج کے حملوں میں تحریر الشام کے ٹھکانوں اور کمین گاہوں کو نشانہ بنایا گیا ہے۔ آپریشن کے دوران روسی فضائیہ بھی شامی فوج کی مدد کررہی ہے۔

یہ بھی پڑھیں : ایران اور چین کے جامع معاہدے پر عمل درآمد کی سنجیدگی کے ساتھ پیروی کررہے ہیں، پزشکیان

المیادین کے نامہ نگار نے حماہ سے کہا ہے کہ حماہ کے نواحی علاقوں میں شامی فوجی دستوں اور تحریر الشام کے دہشت گردوں کے درمیان گھمسان کی جنگ جاری ہے۔ جھڑپوں کے دوران دہشت گرد تنظیم کے کم از کم 300 اہلکار ہلاک ہوگئے ہیں۔

شامی اور روسی فضائیہ نے ادلب میں بھی دہشت گردوں کے ٹھکانوں پر فضائی حملہ کیا ہے جس میں دہشت گردوں کو شدید نقصان پہنچا ہے۔

دہشت گردوں کے خلاف جنگ تیز ہونے کے ساتھ شامی صدر بشار الاسد نے فوجی اہلکاروں کی تنخواہوں میں 50 فیصد اضافے کا حکم جاری کیا ہے۔