سی ٹی ڈی کی کراچی میں کاروائی، کالعدم لشکر جھنگوی کا انتہائی مطلوب دہشتگرد مقابلہ میں ہلاک جبکہ 4 گرفتار

شیعہ نیوز ( پاکستانی شیعہ خبر رساں ادارہ ) کراچی: کورنگی مہران ٹاؤن میں سی ٹی ڈی کے چھاپے کے دوران ایک دہشت گرد ہلاک اور چار کو گرفتار کرلیا ہے۔ تفصیلات کے مطابق کراچی میں کورنگی مہران ٹاؤن میں سی ٹی ڈی نے چھاپہ مارا، فائرنگ کے تبادلے میں ایک دہشت گرد ہلاک اور چار کو گرفتار کرلیا گیا ، ہلاک و گرفتار دہشت گردوں کا تعلق کالعدم تنظیم سے ہے۔ ی ٹی ڈی نے مقابلے کے بعد گھر کی تلاشی لی تو کچن اور ڈرموں میں چھپایا گیا بارودی مواد، گولہ بارود،خودکش جیکٹ،راکٹ لانچرز، نٹ بولٹس اور ڈیٹونیٹرز برآمد ہوئے۔

انچارج سی ٹی ڈی راجا عمر خطاب کے مطابق کورنگی مقابلے میں ہلاک دہشت گرد کی شناخت ہوگئی، دلدار عرف چاچا کالعدم لشکر جھنگوی نعیم بخاری گروپ کے سلیپر سیل کا امیر تھا، دہشگرد نیول بسوں اورچودھری اسلم پر حملے میں ملوث ہیں، کارروائی میں گرفتار چار دہشتگردوں سے تفتیش کی جارہی ہے۔. عمر خطاب کے مطابق ہلاک دہشت گرد دیگر تخریبی کارروائیوں میں بھی ملوث تھا، بی ڈی ایس حکام کا کہنا ہے کہ چھاپے میں 500کلو سے زائد بارودی مواد جبکہ خودکش جیکٹ،بلاک بم اور بم بنانے کا سامان بھی برآمد ہوا۔