پشاور، سیکیورٹی فورسز کا آپریشن، 49 مشتبہ افراد گرفتار

شیعہ نیوز (پاکستانی شیعہ خبر رساں ادارہ) پشاور کے علاقہ کوتوالی میں پولیس اور سکیورٹی فورسز نے مشترکہ سرچ آپریشن کے دوران 49 مشتبہ افراد کو حراست میں لے لیا۔ پولیس کے مطابق مشترکہ سرچ آپریشن کوتوالی کے علاقہ میں کیا گیا، سرچ آپریشن کے دوران 4 افغان باشندوں سمیت 49 مشتبہ افراد کو گرفتار کیا گیا۔ ایس ایس پی آپریشنز پشاور ڈاکٹر میاں سعید کے مطابق گرفتار افراد کے قبضہ سے 2 پستول اور سینکڑوں کارتوس برآمد ہوئے۔ سرچ آپریشن کے دوران 250 گھروں کی تلاشی لی گئی۔