کراچی: عید میلاد النبیﷺ کے جلوس پردہشتگردانہ حملوں کا منصوبہ ناکام،کلعدم تحریک طالبان و لشکرجھنگوی کے 5 تکفیری دہشت گرد گرفتار
شیعہ نیوز ( پاکستانی شیعہ خبر رساں ادارہ ) کراچی: سکیورٹی اداروں نے عید میلادالنبیؐ کے جلوس پر دہشتگردانہ حملوں کا منصوبہ ناکام بنا دیا ،کالعدم تحریک طالبان و لشکر جھنگوی کے 5 دہشت گرد کو گرفتار کرکے تفتیش کیلئے نامعلوم مقام پر منتقل کردیا گیا ، دہشت گردوں نے افغانستان سے اسلحہ چلانے اور بم بنانے کی تربیت کا اعتراف کرلیا، رینجرز نے سرجانی ٹاؤن سے ایک ہیوی اور آٹھ سب مشین گنوں سمیت بھاری مقدار میں اسلحہ وگولہ بارود برآمد کرلیا ۔
سکیورٹی ذرائع کے مطابق بارہ ربیع الاول کے موقع پر تخریب کاری کا منصوبہ ناکام بنا دیا گیا ، کالعدم تحریک طالبان و لشکر جھنگوی کے 5 دہشت گردوں نے کرائے کے مکان میں تخریب کاری کی منصوبہ بندی کرنے کا انکشاف کیا ہے ۔ کراچی میں بارہ ربیع الاول پر دہشت گردوں کی منصوبہ بندی کو ناکام بنا دیا گیا ۔ اورنگی ٹاؤن کی اقبال مارکیٹ سے گرفتار کالعدم تحریک طالبان پاکستان کے 55 دہشتگردوں نے کرائے کے مکان میں تخریب کاری کی منصوبہ بندی کرنے انکشاف کیا ہے ۔
دو روز قبل گرفتار دہشتگردوں نے پولیس کو بیان دیا ہے کہ انہوں نے افغانستان سے اسلحہ اور بارود استعمال کرنے کی تربیت حاصل کی ۔ طویل عرصے سے کراچی میں مقیم تھے اور اہم مقامات کی ریکی کرچکے تھے ۔ دہشت گردوں نے بیان دیا ہے کہ وہ کچھ عرصے بعد کرائے کے مکانات اور علاقہ تبدیل کرلیتے تھے ۔ دہشت گردوں نے کئی بچوں کو اغوا کر کے تاوان وصول کرنے اور سائٹ ایریا کی فیکٹری مالک سے بھتہ وصول کرنے کا اعتراف بھی کیا ۔ پولیس کے مطابق دہشتگردوں کا تعلق ٹی ٹی پی کے بیت اللہ محسود گروپ سے ہے ۔
