کراچی، منگھوپیر میں سی آئی ڈی پولیس کی کارروائی، 5 تکفیری دہشتگرد گرفتار

شیعہ نیوز (کراچی) شہر قائد میں منگھو پیر کے علاقے میں واقع کنواری کالونی میں سی آئی ڈی پولیس نے کارروائی کرتے ہوئے 5 دہشت گرد حراست میں لے لئے ہیں۔ تفصیلات کے مطابق سی آئی ڈی پولیس نے خفیہ اطلاع ملنے پر منگھو پیر کے علاقے میں واقع کنواری کالونی کو گھیرے میں لے کر کارروائی کرکے کالعدم دہشتگرد تنظیم سے تعلق رکھنے والے 5 دہشت گرد گرفتار کرلئے۔ پولیس کی کارروائی کے دوران گرفتاریوں کے علاوہ بھاری مقدار میں اسلحہ اور بارودی مواد بھی بر آمد کیا گیا۔ سی آئی ڈی پولیس کے مطابق گرفتار ہونے والے دہشت گرد محرم الحرام میں کاروائیاں کرنا چاہتے تھے۔