کوہاٹ روڈ پر سی ٹی ڈی کی کارروائی تکفیری دہشت گرد گرفتار، گرفتاری پر پانچ لاکھ روپے کا انعام مقررکر رکھا تھا

شیعہ نیوز ( پاکستانی شیعہ خبر رساں ادارہ ) پشاور: کوہاٹ روڈ پر انسداد دہشت گردی فورس نے کارروائی کر کے مطلوب دہشت گرد کو گرفتار کر لیا ۔میڈ یا رپورٹس کے مطابق کوہاٹ روڈ کے علاقے بھانہ ماڑی میں سی ٹی ڈی نے کارروائی کر کے ایک مطلوب دہشت گرد اعجاز کو گرفتار کرلیا۔ گرفتار دہشت گرد نے  2008میں ناظم فہیم کے حجرے پر دھماکہ کیا تھا جس کے نتیجے میں دس افراد جاں بحق اور متعدد زخمی ہو گئے تھے۔ صوبائی حکومت نے دہشتگرد کی گرفتاری پر پانچ لاکھ روپے کا انعام مقررکر رکھا تھا ۔