پی پی 78 جھنگ: لدیلدھیانوی کی نااہلی کے بعد حق نواز جھنگوی کا بیٹا و کلعدم لشکر جھنگوی کا سرغنہ الیکشن لڑے گا
شیعہ نیوز ( پاکستانی شیعہ خبر رساں ادارہ ) ملک دشمن تکفیری دہشتگرد جماعت اہل سنت و الجماعت جھنگ کے رہنماء مسرور نواز جھنگوی نے دعویٰ کیا ہے کہ احمد لدھیانوی کی نااہلی کے بعد جماعت نے پی پی 78 کے ضمنی الیکشن کے لیے انہیں امیدوار نامزد کر دیا ہے اور اس فیصلے کو احمد لدھیانوی کی مکمل حمایت حاصل ہے۔ کالعدم سپاہ صحابہ کا بانی اور ہزاروں مسلمانوں کا قاتل حق نواز جھنگوی کے بیٹے مسرور نواز جھنگوی نے سابق صوبائی وزیر شیخ حاکم علی، عبد الغفور جھنگوی اور احمد لدھیانوی کے دست راست حافظ خالد کے ہمراہ پریس کانفرنس سے خطاب کرتے ہوئے کہا کہ کامیاب ہو کر جھنگ کو ڈویژن بنوانا، شہر کی صفائی اور سول ہسپتال کی اپ گریڈیشن ان کی ترجیحات ہوں گی۔
واضح رہے کہ ملک دشمن دہشتگرد جماعت اہل سنت والجماعت کے سربراہ کو عدالت نے الیکشن کے لیے نااہل قرار دیتے ہوئے انتخابات میں حصہ لینے سے روک دیا تھا۔ ذرائع کے مطابق کالعدم لشکر جھنگوی کے سرغنہ اور احمد لدھیانوی کے درمیان اختلافات کے دوران مسرور نواز جھنگوی اور معاویہ اعظم نے احمد لدھیانوی کی مخالفت میں کالعدم لشکر جھنگوی کی قیادت کا ساتھ دیا تھا، اور شیخ حاکم گروپ انکی سیاسی سرپرستی کر رہا ہے، لیکن شیخ حاکم عملی طور پر کالعدم سپاہ صحابہ کا پلیٹ فارم چھوڑ چکے ہیں، لیکن کالعدم لشکر جھنگوی سے ان کے مراسم ہمیشہ موجود رہے ہیں اور وہ شیخ اکرم گروپ سے درپردہ سیاسی تعلقات کی وجہ سے اپنے آپ کو قانون کی گرفت سے بچاتے رہے ہیں۔
