بنوں میں آپریشن ردالفساد 4 تکفیری دہشتگرد ہلاک، لیفٹیننٹ خاور اور نائیک شہزاد شہید، آئی ایس پی آر

شیعہ نیوز ( پاکستانی شیعہ خب ررساں ادارہ )  بنوں میں سکیورٹی فورسز اور دہشتگردوں کے مابین فائرنگ کے تبادلے میں لیفٹیننٹ خاور سمیت ایک جوان شہید ہو گیاہے  جبکہ 4 دہشتگرد بھی ہلاک ہوئے ہیں۔ پاک فوج کے ادارہ برائے تعلقات عامہ (آئی ایس پی آر) کے مطابق سکیورٹی فورسز ایف آر بنوں کے علاقے جانی خیل میں ملاگانو کے مقام پر پہنچے تو دہشتگردوں نے فائرنگ کردی۔ دہشتگردوں سے کراس فائرنگ کے تبادلے میں لیفٹیننٹ خاور اور نائیک شہزاد زشدید زخمی ہوگئے اور زخموں کی تاب نہ لاتے ہوئے جام شہادت نوش کر گئے جبکہ پاک فوج کی جوابی کارروائی کے نتیجے میں 4 دہشتگرد ہلاک ہوگئے ہیں۔