نمائش چورنگی پر شیعہ لاپتہ افراد کے اہل خانہ کا احتجاج

شیعہ نیوز (پاکستانی شیعہ خبر رساں ادارہ) شیعہ لاپتہ افراد کے لواحقین نے اپنے پیاروں کی گمشدگی کے خلاف نمائش چورنگی پر احتجاجی مظاہرہ کیا۔

تفصیلات کے مطابق نمائش چورنگی پر شیعہ لاپتہ افراد کے اہل خانہ نے اپنے پیاروں کی گمشدگی کے خلاف احتجاجی مظاہرہ کیا، لاپتہ افراد کے اہل خانہ کا کہنا تھا کہ ان کے افراد کو کئی مہینوں سے قانون نافذ کرنے والے اداروں نے غیر قانونی طور پر لاپتہ کیا ہوا ہے اور انہیں ان کی اب تک کوئی خبر نہیں۔

شیعہ لاپتہ افراد کے اہل خانہ نے مطالبہ کیا کہ ان کے لاپتہ کیے گئے افراد کو بازیاب کیا جائے اور اگر انہوں نے کوئی غیر قانونی کام کیا ہے تو انہیں عدالت میں پیش کیا جائے۔ لاپتہ افراد کے اہل خانہ نے جیل بھروتحریک میں اپنی گرفتاری پیش کرنے کا اعلان کرتے ہوئے قوم سے اپیل کی کہ وہ اس تحریک کا حصہ بن کر مشکل کی اس گھڑی میں ان کا ساتھ دیں۔

یاد رہے کہ شیعہ لاپتہ افراد کی عدم بازیابی کے خلاف جیل بھرو تحریک کا آغاز جمعہ 6 اکتوبر 2017 کو بعد نماز جمعہ خوجہ مسجد کھارادر سے علامہ حسن ظفر نقوی کی گرفتاری سے ہوگا۔