عید میلادالنبی(ص) پر اہم ریلوے سٹیشنز پر کمانڈوز تعینات کرنے کا فیصلہ

شیعہ نیوز(پاکستانی شیعہ خبر رساں ادارہ) عید میلاد النبیﷺ کے سلسلے میں پاکستان ریلوے پولیس کی جانب سے سکیورٹی پلان جاری کر دیا گیا۔ ترجمان ریلوے پولیس کے مطابق ڈی آئی جی آپریشنز شارق جمال خان کی ہدایت پر تمام ڈویژن کے ایس پیز کو سکیورٹی کو فول پروف بنانے کے احکامات جاری کر دیئے گئے ہیں جبکہ عید میلاد النبیﷺ  کے سلسلے میں سکیورٹی کو فول پروف بنانے کے لیے لاہور، کراچی اور راولپنڈی سمیت تمام بڑے سٹیشنوں پر کمانڈو تعینات کیے جائیں گے۔ انہوں نے مزید کہا کہ ٹرینوں میں سفر کرنیوالے مسافروں کو مکمل سکیورٹی دی جائے۔ انہوں نے کہا کہ اس حوالے سے کوئی کوتاہی برداشت نہیں کی جائے گی، تمام پولیس اہلکار چوکس رہیں اور ذمہ داری سے اپنے فرائض سرانجام دیں۔