مستونگ: ناصبی دہشت گردوں کا زائرین پر حملہ،بم دھماکے میں چھہ زائرین شہید

بلوچستان کے علاقے مستونگ کے مقام پر ایران سے آنے والی ایک زائرین کی بس پر ناصبی وہابی کالعدم دہشت گرد گروہ سپاہ صحابہ اور لشکر جھنگوی کے دہشت گردوں نے حملہ کیا ہے جس کے نتیجہ میں چھ زائرین شہید اور متعدد زخمی ہیں۔۔

شیعت نیوز کے نمائندے کی رپورٹ کے مطابق ایران سے واپس پاکستان آنیو الی زائرین کی بس پر مستونگ کے علاقے کھنک میں ایک بم حملہ کیا گیا ہے جس میں چھ زائرین شہید اور متعدد زخمی ہیں۔

اطلاعات کے مطابق زائرین ایران سے فرزند رسول اکرم (ص) حضرت امام علی رضا علیہ السلام اور بی بی فاطمہ معصومہ قوم سلام اللہ علیہا کی زیارات سے واپس پاکستان لوٹ رہے تھے اور تفتان سے کوئٹہ کے لئے روانہ ہوئے تھے تاہم مستونگ کے علاقے کھنک میں کالعدم دہشت گرد گروہ سپاہ صحابہ اور لشکر جھنگوی کے ناصبی یزیدی دہشت گردوں نے بم حملہ کر دیا جس کے نتیجہ میں چھ زائرین امام رضا علیہ السلام موقع پر ہی شہید ہو گئے ہیں جبکہ متعدد زخمی ہیں۔واضح رہے کہ زائرین میں بچے اور خواتین بھی شامل ہیں۔

آخری موصولہ اطلاعات کے مطابق تاحال زخمیوں کی ابتدائی طبی امداد کے لئے ایمبولینس نہیں پہنچی ہیں جبکہ متعدد زائرین امام رضا علیہ السلام شدید زخمی حالت میں ہیں۔