سعودی فوجیوں نے یمنیوں کو غذا پہنچانے والے بحری جہاز روک لئے

شیعہ نیوز (پاکستانی شیعہ خبر رساں ادارہ) آل سعود کے ظالم فوجیوں نے یمنی مسلمانوں کو غذا پہنچانے والے بحری جہاز روک لئے۔

تفصیلات کے مطابق یمن کے لئے اقوام متحدہ کے خصوصی ایلچی نے سلامتی کونسل میں اپنی تازہ ترین رپورٹ میں غذا اور ایندھن بردار جہازوں کے الحدیدہ بندرگاہ تک پہنچنے کی اجازت دیئے جانے اور اس سلسلے میں مسائل کو حل کرانے کی سفارش کی ہے لیکن اس کے باوجود سعودی اتحاد نے یمن کے لئے ایندھن اور غذائی اشیاء پہنچانے والے تیرہ بحری جہازوں کو بدستور روکا ہوا ہے ۔

رپورٹ کے مطابق ایندھن اور غذائی اشیاء کے حامل ان جہازوں کے پاس الحدیدہ بندرگاہ میں داخل ہونے کا لائسنس ہے اس کے باوجود سعودی اتحاد ان جہازوں کو روکے ہوئے ہے تاکہ یمنی عوام کی مشکلات میں مزید اضافہ کرے۔

درایں اثنا بحیرہ احمر کے ساحلی گارڈ کے سربراہ زید الوشلی نے کہا ہے کہ سعودی اتحاد بحری جہازوں کے سلسلے میں من مانی کرتا ہے ، انھیں یمن کے سمندری حدود سے باہر نہیں نکلنے دیتا اور انھیں بلاسبب الحدیدہ بندرگاہ کی جانب واپس کردیتا ہے۔