ایس یو سی کی استحکام پاکستان کانفرنس۹ جولائی کو نشتر پارک میں منعقد ہوگی
شیعہ نیوز (پاکستانی شیعہ خبر رساں ادارہ) شیعہ علماء کونسل پاکستان کی جانب سے پیغام عزاداری و استحکام پاکستان کانفرنس 9جولائی بروز اتوار نشتر پارک کراچی میں منعقد کی جائے گی جس میں پورے سندھ سے کارکنان و ذمہ داران شرکت کریں گے۔اس کانفرنس سے شیعہ علماء کونسل پاکستان کے سربراہ علامہ سید ساجد علی نقوی خطاب فرمائیں گے۔
تفصیلات کے مطابق علامہ شبیر میثمی مرکزی سیکریٹری جنرل شیعہ علماء کونسل اور علامہ سید اسد اقبال زیدی صدر ایس یو سی سندھ کا کہنا ہے کہ کانفرنس کی تمام تیاریاں مکمل کرلی گئی ہیں اور سندھ بھر سےکارکنان کو نشتر پارک لانے کیلئے انتظامات مکمل کرلیے گئے ہیں۔ہزاروں کی تعداد میں کارکنان اس کانفرنس میں شریک ہوں گے۔
یہ خبر بھی پڑھیں جعفریہ الائنس کی اہتمام عزاداری کانفرنس 5 جولائی نشتر پارک میں منعقد ہوگی
واضح رہے کہ اس سے قبل یہ کانفرنس ۱۷ جون کو نشتر پارک میں منعقد ہونا تھی تاہم سمندری طوفان بائپر جوائے کے سبب بارش کی پیشین گوئی اور انتظامات مکمل نہ ہونے کی صورت میں نئی تاریخ کا اعلان کیا گیا تھا۔
