نابلس: مشتعل فلسطینی نوجوانوں کی یہودی شرپسندوں کے ساتھ جھڑپیں
شیعہ نیوز: فلسطین کے مقبوضہ مغربی کنارے کے شمالی شہر نابلس میں یہودی شرپسندوں اور اسرائیلی فوج کے ساتھ مشتعل فلسطینی نوجوانوں کی جھڑپوں کے بعد علاقے میں سخت کشیدگی پائی جا رہی ہے۔
مشرقی نابلس میں مشتعل فلسطینی شہریوں اور اسرائیلی فوج کے حمایت یافتی یہودی بلوائیوں کے درمیان پرتشدد جھڑپیں ہوئیں۔
آباد کاروں نے نابلس کے مشرق میں خربہ طانا میں فلسطینیوں کے گھروں پر حملہ کیا اور بچوں پرتشدد کا نشانہ بنایا۔ اس موقعے پرمشتعل نوجوانوں نے شرپسند صہیونی ٹولے کا مقابلہ کرتے ہوئےان پر سنگ باری کی۔
یہ بھی پڑھیں : جرمنی میں اسلامی مرکز بند کرنے کی شدید مذمت کرتے ہیں، علی باقری کنی
اسرائیلی فوج نے طولکرم کے شمال میں واقع علار قصبے پر دھاوا بول کر ایک سڑک بند کر دی اور علاقے کے مکینوں کی نقل و حرکت میں رکاوٹ ڈالی۔
اسرائیلی فوج نے رام اللہ کے شمال میں واقع قصبے سنجیل میں المزیرہ محلے میں ایک مکان پر دھاوا بول کر چار فلسطینیوں کو گرفتار کر لیا۔
اسرائیلی فوج نے جمعے کی صبح مسجد اقصیٰ سے گرفتاری کے بعد رامی الفاخوری، صبیح ابو صبیح اور محمد ابو صبیح کی حراست میں مزید توسیع کردی ہے۔
ادھر ایک دوسری پیش رفت میں قابض اسرائیلی فوج کی ایک نام نہاد عدالت نے بیت المقدس سے تعلق رکھنے والے نوجوان رمزی الجعبیہ کو چھ سال قید کی سزا سنائی۔
